Qindra italianë marshuan në Torino të shtunën në favor të trenit të diskutueshëm me shpejtësi të lartë midis Francës dhe Italisë.
Është hera e katërt që tubimi ka ndodhur. Qëllimi është që të thuhet “PO” në linjën e trenit të propozuar trans-alpin midis Torinos dhe Lyonit.
Koha e udhëtimit midis Parisit dhe Milanit do të shkurtohet nga 7 orë deri në 4.5 orë.
Franca ka ndërtuar tashmë tre tunele, por Italia ka ndërtuar vetëm një.
Tuneli hekurudhor TAV (Treno Alta Velocità) është kritikuar nga Lëvizja “Pesë Yjet” por mbështetet nga partneri i saj i koalicionit, Lidhja. Vendimi vjen në mes të tensioneve diplomatike me Francën lidhur me emigracionin.
Projekti është planifikuar të përfundojë në vitin 2025.
Shpenzimet u projektuan fillimisht se shkonin në 8.6 miliardë dollarë, por ministri i transportit i Italisë, Danilo Toninelli, e ka vënë çmimin mbi 20 miliardë euro.
BE-ja u zotua fillimisht për të financuar deri në 40% të kostos, Italinë deri në 35% dhe Francën deri në 25%. Por të premten, ministri francez i transportit Elisabeth Borne tha se Komisioni Europian ofroi të rriste pjesën e tij në 50%, duke lënë kështu Francën dhe Italinë të mbulonin 25% secila.
Linja hekurudhore ka qenë një burim i vazhdueshëm i grindjeve në politikën italiane. Kundërshtarët thonë se shpenzimet do të jenë shumë të larta dhe paratë më mire të shpenzohen më mirë në përmirësimin e rrugëve dhe urave ekzistuese.
Telt, kompania franko-italiane që drejton projektin, thotë se ka në plan të vazhdojë me ndërtimin e tunelit në anën franceze për të shmangur humbjen e milionave në fondet e BE. Por ajo tha se nuk do ta bënte këtë pa pëlqimin e të dy vendeve.
Italia tani pritet të zhvillojë bisedime të mëtejshme mbi projektin me Francën dhe BE.
VAZHDO TË LEXOSH MË TEPËR PËR TEMËN
Tuneli hekurudhor me Francën/ Italia ndalon nisjen e tenderave
BE: Italia do të ndëshkohet nëse heq dorë
