Udhëheqësi i Koresë së Veriut Kim Jong-un ka thënë se do të marrë pjesë në një samit të tretë me Donald Trump, por vetëm nëse SHBA-ja mban “qëndrimin e duhur”. Mediat shtetërore të Koresë së Veriut raportuan komentet e Kim të shtunën.
Në një fjalim, ai i kërkoi Trumpit një marrëveshje që ishte “e drejtë” dhe “reciprokisht e pranueshme” për të dy kombet.
Të dy udhëheqësit u takuan për herë të parë në Singapor vitin e kaluar. Megjithatë, një samit i dytë në Hanoi në shkurt nuk pati progres lidhur me hapat për denuklearizimin.
Trump tha se zyrtarët e Koresë së Veriut kishin kërkuar që sanksionet ekonomike të hiqen në këmbim të çaktivizimit të një vendi të madh bërthamor.
Muajin e kaluar, zëvendësministri i Jashtëm Choe Sun-hui akuzoi SHBA për marrjen e një qëndrimi prej “gangsteri” dhe tha se ai kishte hedhur poshtë një “mundësi të artë” në Hanoi.
Në komentet e tij më të fundit, Kim tha se samiti kishte krijuar një “dyshim të fortë” brenda tij nëse SHBA dëshironte të përmirësonte marrëdhëniet apo jo.
Por ai tha: “Ne jemi të gatshëm të ofrojnë një samit të tretë me qëndrimin e duhur dhe kushtet reciprokisht të pranueshme”. Megjithatë, ai shtoi se lidhjet e tij personale me Trump mbeten “të shkëlqyera”.
Udhëheqësi i Koresë së Veriut tha se do t’i jepte kohë SHBA deri në fund të vitit për të marrë një “vendim të guximshëm” lidhur me planet e reja për samitin.
Kim Dong-yup, i Institutit të Universitetit Kyungnam për Studimet e Lindjes së Largët në Korenë e Jugut, tha për Reuters se Kim mund të kërkonte “të diversifikonte marrëdhëniet diplomatike me vendet e tjera”.
Komentet vijnë vetëm një ditë pasi Trump, në fillim të bisedimeve në Uashington me Presidentin e Koresë së Jugut, Moon Jae-in, hodhi poshtë mundësinë e takimeve të mëtejshme
VAZHDO TË LEXOSH MË TEPËR PËR TEMËN
Kim Jong-un kërcënon SHBA-në: Do të ndryshojmë drejtim
Edhe në 2019, gjithë vëmendja do të jetë tek Koreja e Veriut…
Më në fund një takim i dytë Trump-Kim
