Kreu i Policisë së Shtetit, Ardi Veliu deklaroi se lëvizja e drejtuesve të policisë në Shkodër vjen për t’i dhënë një impuls të ri strukturave.
Veliu komentoi ndryshimin e drejtorit të Policisë, duke thënë se blutë kanë nevojë për një impuls të ri.
“Drejtori i Qarkut Shkodër lëvizi sepse duam t’i japim një impuls të ri. Situata në qarkun e Shkodrës është nën kontrollin e plotë të policisë. Policia është në gjendje të kontrollojë çdo territor. Kemi bërë ndryshime edhe në qarkun e Fierit dhe të Tiranës. Para një muaji u godit grupi që stimulonte fajdet. Fenomeni i fajdeve në Shkodër është i gjithpërhapur”, u shpreh ai.
Më tej, kreu i Policisë shtoi në një emision televiziv se në Shkodër ka patur vetëm 7% të ngjarjeve kriminale vitin e kaluar.
“Ne kemi bërë studimin e gjithë gjendjes së kriminalitetit. Aktualisht jemi duke punuar…një grup kriminal është goditur. Grupet e tjera kriminale janë në kërkim. Gjatë vitit 2018, policia ka qenë shumë prezentë në qarkun e Shkodrës, ku janë të ndërlidhura ngjarjet kriminale. Perceptimi shpesh herë është perceptim i gabuar. Dua që të jem shumë konkret. Themi që në Shkodër ka një situatë të rënduar të kriminalitetit. Në Qarkun e Shkodrës janë vetëm 7% e ngjarjeve kriminale për vitin 2018“, theksoi Veliu.
