Liverpool ka marrë një fitore spektakolare në shtëpi ndaj Huddersfield.
Të besuarit e Klopp nuk dorëzohen në garën për titullin kampion edhe pse Manchster City ndjekës ka një ndeshje më shumë.
Naby Keita shënoi golin më të shpejtë në historinë e klubit duke zhbllokuar rezultatin pas 16 sekondash.
Sadio Mane dyfishoi rezultatin në minutën e 23′ pas krosimit të Arnold. Në fund të pjesës së parë Mohamed Salah gjeti kohën e mjaftueshme për të shënuar një super gol me parabël.
Pjesa e parë u mbyll me avantazhin e trefishtë nga Liverpool por dhe e dyta nisi me të njëjtën ‘uri’ nga ekipi i Klopp.
Mane dhe Salah ishin sërisht protagonistë ku me golat e tyre respektivisht në minutat e 66′ dhe 83′ vulosën fitoren e “The Reds”
Liverpool me këtë fitore rikthehet në kreun e tabelës me shpresën se City do të lërë pikë në ndeshjet e ardhshme, duke rikthyer titullin kampion në “Anfield”
