Marko Bozoviç nga Podgorica u arrestua nën dyshimin për kontrabandimin e 807 kilogramë kokainë, e cila po vinte nga Kolumbia në Europë.
Sipas asaj që shkruan Gazeta malazeze “Dan”, Bozoviç ishte kreu i një bande kriminale të drogës në Beograd, njohur si një nga njerëzit që merren me trafik droge.
Banda e tij ishte e dhunshme ndaj homoseksualëve, ndërsa shpërndanin lëndë narkotike në lokalet e natës.
Kur u arrestua, malazezit iu gjet një pasaportë e Afrikës së Jugut. Policia lokale po heton nëse ky rast është i lidhur me kapjen e 840 kilogramëve të kokainës të gjetur në një jaht në Portugali shtatorin e kaluar.
Menjëherë pas konfiskimit të narkotikëve, katër persona u arrestuan, duke përfshirë dy shtetas malazezë.
Hetimet shumë mujore të policisë treguan se kishte më shumë njerëz të përfshirë në kontrabandën e kokainës. Nuk përjashtohet që Bozoviç është pjesë e të njëjtit grup kriminal që u përpoq të kontrabandonte ngarkesa me 800 dhe më shumë kilogram kokainë. Droga u zbulua në një jaht në Atlantik.
Policia portugeze tha pastaj se 840 kilogramë kokainë u konfiskuan gjatë kontrollimit të anijeve. Më pas u njoftua se gjatë tre muajve të fundit, policia portugeze kapi më shumë se 10 ton drogë në det. Kur u konfiskua kokaina, dy burra dhe dy gra në një jaht u arrestuan.
Ekziston dyshimi se ata po kontrabandonin kokainë nga Karaibet në Europë.
VAZHDO TË LEXOSH MË TEPËR PËR TEMËN
Haradinaj nderon dëshmorët e Prishtinës
Zgjedhjet në veri/ Aplikon vetëm PDK, afati i fundit
