Ministrja e Shëndetësisë dhe Mbrojtjes Sociale, Ogerta Manastirliu deklaroi se kontrolli mjekësor bazë ka kapërcyer targetin e parashikuar.
Gjatë aktiviteteve të organizuara në kuadër të Ditës Botërore të Shëndetit, ministrja deklaroi se në 3 muajt e parë të vitit 2019, 122 mijë qytetarë ose 101.3% e atyre që ishin parashikuar, kryen kontrollin mjekësor bazë në të gjithë qendrat shëndetësore në vend.
Ajo bëri u bëri apel qytetarëve të kontribuojnë për një mjedis më të pastër dhe të kryejnë aktivitet fizik, për uljen e barrës së sëmundshmërisë.
Ministria e Shëndetësisë, në bashkëpunim me Organizatën Botërore të Shëndetësisë (OBSh) dhe Shëndet për të gjithë (HAP) organizuan një seri aktivitetesh pranë liqenit artificial, me një panair shërbimesh shëndetësore, ku u ofrua mamografi dhe check up falas për qytetarët, mbjellje pemësh dhe aktivitete në natyrë.
VAZHDO TË LEXOSH MË TEPËR PËR TEMËN
Manastirliu firmos urdhrin, ndryshon regjimi në spitale
