Presidenti Ilir Meta zhvilloi një takim me Sekretarin e Përgjithshëm të OSBE-së, z.Thomas Greminger, teksa ka përcjellë edhe një tjetër mesazh për vendin.
Nëpërmjet një postimi në Facebook, Meta shkruan se Bashkëpunimi intensiv dhe koordinimi është vendimtar për Kryesimin e Radhës së OSBE-së nga Shqipëria në vitin 2020.
“Shumë i lumtur të takoja sot Sekretarin e Përgjithshëm të OSBE-së, z.Thomas Greminger. Bashkëpunimi intensiv dhe koordinimi është vendimtar për Kryesimin e Radhës së OSBE-së nga Shqipëria në vitin 2020. Shqetësim i përbashkët për situatën aktuale politike në Shqipëri. Zgjidhje realiste dhe efektive sa më parë të jetë e mundur”, shkruan Meta.
Më herët, Presidenti përshëndeti si i Ftuar Nderi mbledhjen e Byrosë së Asamblesë Parlamentare të OSBE-së, që po zhvillohet në Kopenhagen të Danimarkës.
Kreu i Shtetit vlerësoi rolin gjithnjë e në rritje të Asamblesë Parlamentare, veçanërisht në monitorimin e zgjedhjeve, që ndihmon mbrojtjen e demokracisë, sigurisë dhe besimit në gjirin si dhe ndërmjet shteteve pjesëmarrëse.
VAZHDO TË LEXOSH MË TEPËR PËR TEMËN
Meta kritika të forta politikës: Nevojitet zgjidhja përmes dialogut
