Pas shpalosjes së platformës nga ana e aleatëve, kryedemokrati Basha në një deklaratë për mediat tha se qëndrimet e aleatëve janë në përputhje me PD dhe marrëveshjen e koalicionit.
I pyetur nëse do të ulet në një tryezë me Ramën, Basha u përgjigj:
“Nuk ka asnjë mospërputhje mes qëndrimeve të PD dhe gjithë koalicionit tonë.
PD ka përfunduar javën e kaluar një dokument të detajuar sa i përket detyrave të qeverisë tranzitore në raport me zgjedhjet e lira dhe të ndershme dhe do ta paraqesë në ditët e ardhshme në mënyrë publike.
E kemi diskutuar dhe me aleatët tanë dhe një pjesë e mirë e pikave që aleatët kanë shpalosur sot janë dhe pikat e programit tonë, ka një përputhje totale.
Koalicioni opozitar po vepron me bashkëpunim, mirëkuptim dhe sinergji të plotë për të ecur përpara.Çështjet e tjera janë detaje të parëndësishme”- tha ai.
Sipas Bashës, “Kryesorja është zotimi i gjithë koalicionit opozitar, që është sot mazhoranca e re politike, numerike dhe morale në vend, është regjistrimi në zgjedhje dhe pjesëmarrja në zgjedhje vetëm kur të ketë vërtet zgjedhje dhe jo një farsë kriminale dhe kushti për këtë mbetet largimi i Edi Ramës nga qeveria dhe një qeveri tranzitore që do të plotësojë kushtet për të cilat do të keni më shumë informacione në ditët në vijim”.
VAZHDO TË LEXOSH MË TEPËR PËR TEMËN
Aleatët e PD: Jo marrëveshje Basha-Rama, por zgjidhje politike!
