MENU

Njoftimi i policisë

Protestuan kundër Ramës në Kukës, ç’ndodhi me 13 persona?

06.04.2019 - 14:09

Rreth 13 persona janë proceduar nga policia një ditë pas protestës me të cilën u prit kryeministri Rama në Kukës.

Lajmi është bërë me dije nga policia, e cila njofton se të proceduarit akuzohen për pengim të qarkullimit të mjeteve të transportit si edhe kundërshtim të punonjësve të Policisë së Shtetit.

Njoftimi i policisë:

Në lidhje me protestën e paligjshme të zhvilluar më datë 05.04.2019 të organizuar nga subjekti politik PD, Kukës e Has në vendin e quajtur “Ura e Drinit të Zi” janë proceduar në gjendje të lirë 13 shtetas, të moshës nga 28 deri 60 vjeç nga Kukësi dhe Hasi.

Procedimi ndaj tyre filloi pasi kanë penguar qarkullimin e mjeteve të transportit si dhe kanë kundërshtuar punonjësit e Policisë së Shtetit.