Bazuar në disa të dhëna të Eurostat, vihet re se në Shqipëri kostoja e punës kushton 10 herë më pak.
Kjo kosto e lirë e fuqisë punëtore, ka tërhequr që pas viteve ’90 industritë fason në Shqipëri, kryesisht në tekstile e këpucë.
Kohët e fundit është shtuar edhe industria mbështetëse e prodhimit të pjesëve elektrike të automjeteve.
Një kompanie në Shqipëri, sipas Institutit të Statistikave një orë pune i kushton 2.5 Euro.
Ndërkohë pas Shqipërisë renditet Bullgaria, ku një ore pune kushton 5.4 euro e më pas Rumania me 6.9 euro.
Në 2018, në të gjithë ekonominë e Bashkimit Europian, duke përjashtuar bujqësinë dhe administratën shtetërore, kostot e punës ishin 27.4 euro.
Për 2018-n vendet me koston më të lartë të punës ishin Norvegjia me 50 euro për orë, Danimarka me 43.5, Islanda me 42.5, Luksemburgu me 40.6.
Sa u rritën kostot e punës në orë për vendet e BE?
-Në të gjithë ekonominë kostot e punës në orë u rritën me 2.7% në BE dhe 2.2% në eurozonë.
Në EuroZonë rritjet më të mëdha ishin në shtetet:
-Letoni, +12.9%
-Lituani, +10.4%
-Estonia dhe Sllovakia, +6.8%
Ndërkohë rritje më të ulët të kostos së punës në orë pati në:
-Maltë, +0.4%
-Finlandë, +1.2%
-Spanjë, +1.3%
-Portugali, +1.4%
VAZHDO TË LEXOSH MË TEPËR PËR TEMËN
Shqiptarët paguhen më pak se në vitin 2000?
INSTAT: Sa % e shqiptarëve paguhen pa para?
