Qeveria amerikane ka filluar ngritjen e tendave pranë kufirit me Meksikën për të strehuar migrantët, madje Donald Trump e krahasoi trajtimin e familjeve pa dokumente që hyjnë në SHBA me “Disneyland”.
Tendat u vendosën javën e kaluar. Ata pritet të mbajnë deri në 500 emigrantë.
Donald Trump thas për Fox New “Ne ndalojmë ndarjet e familjeve. Problemi është që kemi 10 herë më shumë njerëz që vijnë me familjet e tyre, është si Disneyland tani. “
Mbërritja e vazhdueshme e migrantëve në kufirin jugor ka shtuar punën në Dogana dhe Mbrojtjen Kufitare (BKP) të SHBA, dhe strehimi i një numri në rritje të emigrantëve menjëherë pas kalimit të tyre pa dokumente në SHBA është bërë një nga sfidat më të mëdha për zyrtarët e emigracionit dhe organizatat joqeveritare.
Administrata e Trump filloi ndarjen e mijëra familjeve emigrante vitin e kaluar sa herë që kalonin kufirin SHBA-Meksikë në mënyrë të paligjshme, dhe ndanin prindërit dhe fëmijët, me një politikë “zero tolerancë”.
BKP tha në një deklaratë javën e kaluar se numri i madh i të sapo ardhurve kishte krijuar një nevojë për të ndërtuar hapësirë shtesë strehimi.
John Sanders, zyrtar i lartë që kryen detyrën e komisionerit tha “Këto lehtësira të përkohshme do të mbështesin përpjekjet tona për të procesuar, per tu përkujdesur dhe për të transferuar numrin e paparë të familjeve dhe fëmijëve të pashoqëruar që kalojnë kufirin çdo ditë”.
Muajin e kaluar, BKP u kritikua nga avokatët lokalë dhe zyrtarët publikë pasi zgjodhi të strehojë qindra emigrantë në qiell të hapur.
Më 19 prill, BKP nënshkroi kontratën për ndërtimin e dy objekteve të përkohshme të ndërtuara në El Paso, në kufirin Texas-Meksikë dhe Donna, afër McAllen, në Teksasin lindor . Kostoja totale e ndërtimit vlerësohet në 36.9 milion dollarë për një periudhë katër mujore.
Shaw Drake, një avokat për qendrën e të drejtave kufitare ACLU në El Paso, tha se shqetësimi kryesor ishte se si trajtohen migrantët brenda strehimoreve. Të dy avokatët po bëjnë thirrje për më shumë transparencë, llogaridhënie dhe mbikëqyrje të qeverisë pasi numri i migrantëve në paraburgim vazhdon të rritet.
VAZHDO TË LEXOSH MË TEPËR PËR TEMËN
“Makthi” i SHBA-së mbaroi/ Rihapet qeveria amerikane
