Pas takimit rreth 70 minuta me zv.ndihmës sekretarin amerikan, Mathew Palmer, kryetarja e LSI, Monika Kryemadhi u shpreh se nuk është e autorizuar të flasë rreth asaj që diskutoi.
Në një prononcim për mediat, Kryemadhi u shpreh ndër të tjera se ‘hallet’ do të zgjidhen nga vetë shqiptarët.
“Diskutuam për situatën dhe sigurisht që unë nuk jam e autorizuar që të flas për takimin. Z. Palmer shprehu opsionet e veta nga këndvështrimet e tij. Ne shprehëm opsionet tona nga këndvështrimet tona.
Sigurisht që përputhen për sa i përket raportit të Departamentit Amerikan të Shtetit për luftën kundër korrupsionit, për kapjen e shtetit, për të gjithë problemet e tjera, por është shumë e rëndësishme vazhdimi i mëtejshëm për zgjidhjen përfundimtare dhe për ti dhënë fund tranzicionit shqiptar.
Shqipëria e ka vendin në BE. Palmer nuk kishte ardhur për t’i dhënë zgjidhje për sa i përket konfliktit. Mos harroni që hallet tona do ti zgjidhim ne shqiptarët vetëm me njëri-tjetrin. Sigurisht që mendoj që viktimat e gjithë kësaj historie, janë shqiptarët nuk është Kryeministri.”, tha kryetarja e LSI.
Pas takimit me Kryemadhin, pritet që Palmer të zhvillojë një takim edhe me presidentin Ilir Meta.
VAZHDO TË LEXOSH MË TEPËR PËR TEMËN
Pas Bashës, Palmer mbërrin në zyrën e Kryemadhit
Takimi Basha-Palmer/ Kreu i PD-së zbardh detajet
