Taksimi në vendet e Ballkanit Perëndimor nuk ka rol rishpërndarës, thotë Banka Botërore, në raportin më të fundit për rajonin.
Për të ilustruar këtë, institucioni me bazë në Washington jep pikërisht shembullin e Shqipërisë. Taksimi i drejtpërdrejtë në vendin tonë, pra taksat që paguhen direkt, si dhe Tatimi mbi të Ardhurat Personale vlerësohet se kanë ndikim të papërfillshëm në uljen e pa pabarazisë. Këtë e tregon mjaft mirë koeficienti GINI, thotë Banka Botërore.
Por, nga ana tjetër, kur flet për politikën fiskale në tërësi, situata ndryshon. “Politika fiskale në tërësi, veçanërisht Tatimi mbi Vlerën e Shtuar, ka një efekt të vogël në rritjen e varfërisë”, thotë Banka Botërore në raport.
Ky efekt i politikave fiskale të qeverisë nuk është në gjendje që të zhbëhet nga ndihma sociale. Kjo e fundit e ka kështu të pamundur që të balancojë efektin që taksat e larta kanë në shtresën më vulnerabil të popullsisë, pra ata më të varfrit.
Banka Botërore thotë gjithashtu se progresiviteti i sistemit të taksimit në vendin tonë është i ulët dhe kjo ndikon në rritjen e varfërisë, si dhe mos luftimin e pa pabarazisë.
Ekonomia shqiptare ka vuajtur gjithmonë faktin se normat e larta të rritjes ekonomike nuk reflektohen në mirëqenie për qytetarët. Politikat fiskale janë përgjegjëset kryesore të paaftësisë për të shpërndarë si duhet pasurinë.
VAZHDO TË LEXOSH MË TEPËR PËR TEMËN
Ekonomia e rajonit do të rritet me 3.5%
BB: Kosova, e para në rajon
