23.04.2019 - 11:41
Partia Socialiste mblodhi mëngjesin e së martës grupin parlamentar, nën drejtimin e Taulant Ballës.
Fokusi kryesor i mbledhjes ka qenë përgatitja për zgjedhjet e 30 qershorit.
Burime bëjnë me dije se Partia Socialiste do të thërrasë javën e parë të majit, Asamblenë e PS.
Në këtë mbledhje pritet të diskutohen dhe kadidatët e lënë pezull për zgjedhjet lokale, që janë parashikuar të mbahen në 30 Qershor.
Mësohet se në mbledhje është paraqitur një kërkesë nga deputeti Bashkim Fino për uljen e pagave për policinë gjyqësore, me argumentin se janë mbi pagën e presidentit, por kjo kërkesë nuk u pranua nga deputetët e tjerë të PS.
Mësohet se nesër do të mblidhet Kryesia e PS, ku pritet të diskutohet për çështjet vendore.
VAZHDO TË LEXOSH MË TEPËR PËR TEMËN
Marrëveshja me 10 pika
