Chelsea shkatërroi 4-1 Arsenalin në finalen e Europa League.
Blutë e Londrës e shfrytëzuan më së miri shpërqëndrimin total të “Topçinjve” në pjesën e dytë, duke detyruar Peter Cech të nxjerrë topin 4 herë nga porta.
Finalja e zhvilluar në Baku të Azerbaixhanit nisi e qetë, pasi të dyja skuadrat nuk dëshironin të rrezikonin, duke testuar njëra-tjetrën.
Granit Xhaka shkaktoi drithërima me një predhë nga 25 metra që goditi traversën, ndërsa kundërpërgjigjja erdhi nga Giroud dhe Emerson që vunë në provë portierin e Arsenalit Peter Cech.
Pjesa e parë u mbyll me rrjeta të paprekura ndërsa në minutën 49’ Giroud, që u zhyt me kokë pas krosimit të Emerson, duke zhbllokuar rezultatin.
Arsenal u shpërqëndrua duke pësuar dy gola të tjerë, fillimisht me Pedro dhe më pas me Hazard, që shndërroi në gol një penallti.
“Topçinjtë” kërkuan golin e shpresës dhe e gjetën me Alex Iwobi në minutën e 69’, por vetëm 3 minuta më vonë Hazard fundosi Arsenalin me golin e 2-të personal pas asistit të Giroud.
Asgjë nuk ndryshoi deri në fund dhe Chelsea triumfoi me plot meritë në finale e Europa League në një sezon tepër të trazuar.
