MENU

Deklarata

Cili është plani i Vuçiç për Kosovën? Flet ish-presidenti Tadiç

26.05.2019 - 10:46

Praninë e opozitës serbe në seancën e Parlamentit të Serbisë, ku do të diskutohet për Kosovën, ish-presidenti i Serbisë, Boris Tadiç e cilëson si një shfajësim të presidentit Vuçiç për politikën e tij 7-vjeçare.

Këtë politikë 7-vjeçare lidhur me Kosovën, Tadiç e cilëson si jo-transparente.

Para së gjithash, nuk bëhet fjalë për një seancë kushtuar Kosovës, por për manipulim me çështjen e Kosovës në mënyrë që të krijohet një iluzion për punën e Parlamentit.

Ata që marrin pjesë në këtë manipulim nuk e forcojnë, por e dobësojnë parlamentarizmin në Serbi”, ka thënë sot Boris Tadiç, lideri Partisë Socialdemokrate dhe ish-president i Serbisë, duke u përgjigjur në pyetjen se pse një pjesë e opozitës nuk do të marrë pjesë në seancën për Kosovën, e cilën vetë opozita e kishte kërkuar.

I pyetur nga mediat serbe nëse ai pret nga presidenti Vuçiç t’u thotë diçka të re deputetëve lidhur me negociatat në mes Kosovës dhe Serbisë, ai tha se nuk pret diçka tjetër, përveç një demagogjie primitive dhe bartjes së akuzave në pushtetet e mëparshme.

Fakti se Vuçiçi dhe kjo qeveri qe shtatë vjet nuk kanë bërë publik asnjë plan për Kosovën dhe nuk e hapin këtë temë në Kuvend dhe politikën për Kosovën e orientojnë në bartjen e përgjegjësive me akuza të rreme kundër pushteteve të mëparshme dhe me demagogjinë më primitive, me siguri nuk do ta pengojnë Vuçiçin për caktimin e seancës mashtruese lidhur me Kosovën”, tha ai.

Ai thotë se presidenti serb ka thirrur një seancë mashtrues për Kosovën për faktin se ai cakton atë mbledhjen për këtë temë në kohën kur opozita është duke e bojkotuar pjesëmarrjen e në Kuvend dhe kur regjimi i Vuçiçit po e humb prezantimin e deritashëm të demokracisë në opinionin ndërkombëtar.

Është e qartë se plani i tij [Vuçiçit] i vetëm me këtë seancë është një farës propaganduese, kinse për të treguar se nuk është e vërtetë se ai nuk po e hap këtë temë në Parlament. Gjithashtu edhe të tregojë se si opozita është e papërgjegjshme dhe e pa interesuar për tema kyçe nacionale”, tha ai.

Ai gjithashtu tha e me këtë Vuçiç pretendon “të fshehë hipokrizinë e këtij pushteti, i cili nuk po ndryshon asgjë në atmosferën në Parlament, për çfarë opozita ka nisur bojkotin”.