Ministri i Punëve të Jashtme të Serbisë, Ivica Daçiç, iu kundërpërgjigj kreut të Këshillit të Ministrave të Bosnjës, Denis Zvizidiç.
Ky i fundit u shpreh se nuk duhet të ketë korrigjim të kufijve ndërmjet Kosovës dhe Serbisë, pasi një gjë e tillë sipas tij do të hapte kutinë e Pandorës.
Ndërkohë, nuk vonoi as reagimi i kryediplomatit serb, i cili u shpreh se nuk i interesojnë fare se çfarë mendojnë në Bosnjë.
“Ato janë qesharake. Kutia e Pandorës është hapur kur është njohur pavarësia e Kosovës, dhe askush nuk e pyet Bosnjën se si do të zgjidhim një çështje të tillë”, ka thënë Daçiç, shkruan Tanjug.
Ne nuk ka intereson se çfarë ata mendojnë. Kush i pyet ata se si duhet të zgjidhet çështja ndërmjet Beogradit dhe Prishtinës?!” u shpreh Daçiç para gazetarëve.
Zvizidiç pas Samitit të Berlinit, ka thënë se Bosnja përkrah një marrëveshje ndërmjet Kosovës dhe Serbisë e cila nuk rrezikon sigurinë dhe stabilitetin e rajonit dhe specifikisht Bosnjës, duke treguar hapur se nuk duhet të ketë rivendosje të kufijve në rajon në baza etnike.
VAZHDO TË LEXOSH MË TEPËR PËR TEMËN
Shqiptarët, protestë para ambasadës serbe në Uashington
