Vizita e Jared Kushner në Jeruzalem për të promovuar planin e tij të paqes në Lindjen e Mesme, duket se nuk do të ketë sukses pas një krize brenda natës në politikën izraelite.
Pa garanci se qeveria miqësore e Benjamin Netanjahut do të qëndrojë në pushtet gjatë verës, çdo përparim i bërë me dhëndrin e e Donald Trump-it është në rrezik të anullohet nga administrata e ardhshme izraelite.
Një muaj pasi izraelitët votuan, Netanjahu dështoi të formojë një qeveri. Zgjedhjet e reja janë caktuar për 17 shtator dhe qeveria tjetër nuk mund të marrë pushtetin deri në tetor, ndoshta edhe më vonë.
Siç bëri më parë këtë vit për zgjedhjet e prillit, Uashingtoni ka të ngjarë të vonojë dhënien e detajeve të planit të saj derisa fushata të mbarojë. Deri në atë pikë, Donald Trump do të përgatitet për fushatën e tij 2020 dhe pastaj ai nuk mund të japë garanci afatgjata në emër të vendit të tij.
Dan Shapiro, një ish-ambasador i SHBA në Izrael, tha: “Plani i paqes së Trump është i ngrirë ndoshta përgjithmonë.”
Kushner dhe i dërguari i SHBA për Lindjen e Mesme, Jason Greenblatt, mbërritën në Jeruzalem të mërkurën mbrëma, disa orë përpara se parlamenti i Izraelit të votonte për t’u shpërbërë.
Ideja është të bindë vendet arabe të Gjirit që të angazhohen për miliarda në investime për Bregun Perëndimor të okupuar dhe Rripin e Gazës. Konferenca nuk do të diskutojë çështje të mprehta politike siç është shtetësia palestineze.
Kushner dhe Greenblatt nisën turneun rajonal në Marok dhe ishin në Jordani të mërkurën.
Plani ende i pazbuluar i Kushner nuk pritet të përfshijë shtetësinë palestineze, por përqendrohet në joshjen e palestinezëve me investime, thanë diplomatët.
Raundi i fundit i negociatave të ndërmjetësuara nga Shtetet e Bashkuara midis Izraelit dhe palestinezëve u prish në 2014.
VAZHDO TË LEXOSH MË TEPËR PËR TEMËN
Trump një kërcënim për konfliktin izraelito-palestinez
Turqia në mbrojtje të Sirisë dhe Jeruzalemit…
