MENU

Arrestohet shoferi

E rëndë në Berat, makina përplas për vdekje 3-vjeçarin

09.05.2019 - 11:09

Një aksident i rëndë është shënuar në Berat, ku një makinë ka përplasur për vdekje një fëmijë 3-vjeçar.

Mësohet se shoferi i makinës pasi ka përplasur të miturin është larguar nga vendi i ngjarjes.

Ndërkohë policia ka bërë të mundur identifikimin dhe kapjen e shoferit.

Në pranga është vënë shtetasi A.H.m, 48 vjeç banues në Drenovicë, Ura Vajgurore.

Policia po punon për zbardhjen e plotë të rrethanave të ngjarjes.

Njoftimi i plotë i Policisë:

Nga Specialistët e Seksionit për Krimet në Komisariatin e Policisë Berat në bashkëpunim me Specialistët e Sektorit për Qarkullimin Rrugor në përfundim të veprimeve të para hetimore, bënë kapjen dhe ndalimin e shtetasit:

A.H, 48 vjeç, banues në fshatin Drenovicë, Ura Vajgurore.

Kapja dhe ndalimi i tij u bë pasi, dyshohet se në fshatin Drenovicë, shtetasi A.H, duke drejtuar mjetin tip Benz ka goditur një fëmijë 3 vjeç, i cili ka humbur jetën. Pas aksidentit drejtuesi i mjetit u largua nga vendngjarja.

Materialet i kaluan Prokurorisë pranë Gjykatës së Shkallës së Parë Vlorë, Seksioni për të Mitur, për veprime të mëtejshme.