Këtu në Jeruzalem, presim publikimin e “marrëveshjes së shekullit” të Donald Trump, e cila pritet të publikohet në javët e ardhshme. Presidenti amerikan ka premtuar se do t’i japë fund një konflikti shekullor midis izraelitëve dhe fqinjëve tanë palestinezë.
Por vizioni i administratës Trump për paqen duket se do të përkeqësojë gjendjen, siç tregoi një koment i kohëve të fundit nga Jason Greenblatt, i dërguari i paqes në Lindjen e Mesme nga Trump.
Greenblatt ripostoi një foto të postuar nga Uri Karzen, një lider në komunitetin e kolonëve izraelitë në. Fotoja tregonte një festë iftare në Hebron, ku morën pjesë dy kolonët izraelitë dhe disa palestinezë. “Ne po hedhim themelet për paqe,” shkroi Karzen. Greenblatt, e lavdëroi ngjarjen, duke shkruar “Themeli për paqen vërtet!” shkroi ai.
Si një ish-ushtar izraelit që shërbeu në Hebron, qyteti më i madh palestinez në Bregun Perëndimor, mund të them që nuk është një model bashkëjetese, por përçarjeje.
Hebroni është shtëpi për rreth 230,000 palestinezë. Por rreth 850 banorë izraelitë jetojnë në zemër të qytetit. Kam shërbyer si një nga 650 ushtarë luftarakë të vendosur në mënyrë të përhershme në qytet për të mbrojtur këtë grup të vogël të kolonëve.
Në vitin 1994, Baruch Goldstein, nga vendbanimi i afërm izraelit i Kiryat Arba hyri në Hebron dhe hapi zjarr ndaj palestinezëve gjatë namazeve të mëngjesit, duke vrarë 29 dhe duke plagosur më shumë se 100 vetë.
Në vitet që pasuan, politikat izraelite, duke përfshirë mbylljen e rrugëve dhe tregjeve kryesore, si dhe dhuna e kolonëve dhe ushtrisë e bënë jetën palestineze në qytet të padurueshme, duke e kthyer qendrën në një qytet fantazmë.
Megjithëse Greenblatt përdor një iftar palestinez për të pretenduar se jemi në rrugën tonë drejt paqes, kjo është e pakuptimtë kur palestinezët ende nuk mund të ecin nëpër rrugët kryesore në qytetin e tyre më të madh në Bregun Perëndimor. A është kjo e ardhmja për ne?
Dhuna është ende e shfrenuar. Më shumë se 100 pengesa fizike të ngritura nga ushtria brenda qytetit vështirësojnë lëvizjen për mijëra njerëz. Dy sisteme të ndryshme ligjore vazhdojnë të ekzistojnë në Hebron, siç është e vërtetë në gjithë Bregun Perëndimor, një për palestinezët (ligji ushtarak) dhe një për kolonët (e drejta civile).
Nëse do të ishim në Alabama në vitet 1950, a do ta kuptonte Greenblattsay se mënyra e arritjes së barazisë është t’i japë fund sistemit ligjor të diskriminimit dhe të sigurojë mbrojtjen e të drejtave të barabarta? Zgjidhja e vetme për Hebronin është fundi i okupimit…
Yehuda Shaul ishte një komandant i forcave të mbrojtjes të Izraelit gjatë intifadës së dytë dhe është një anëtar themelues i “Të thyesh heshtjen”.
VAZHDO TË LEXOSH MË TEPËR PËR TEMËN
Trump një kërcënim për konfliktin izraelito-palestinez
