MENU

Postimi

Marrëveshje Rama-Basha?/ Hajdari me tone të forta: E paligjshme!

18.05.2019 - 15:58

Pas vendimit të PD-së dhe LSI-së për të dërguar komisionerë në KZAZ për zgjedhjet vendore, ka ardhur reagimi i deputetes Rudina Hajdari.

Përmes një postimi në Facebook, Hajdari shkruan se ky veprim i PD-LSI është i paligjshëm dhe tha se zullumqarët po përgatisin shtratin për marrëveshjen e radhës duke tentuar te legjitimojnë prezencën e PD në komisione pa cuar njerëz në KZAZ dhe duke pretenduar të mos futen në zgjedhje.

Në përvjetorin e marrëveshjes që mori të majtën për tatepjetë dhe të djathten për lum asnjë nuk mund të perligj tentativën e dytë, qoftë ky celibash i oborrit të gjeneralit hije me ushtri të mpirë, apo caush i kryetarit në tentative të legjionit të shpërbërë.

Zullumqaret pregatisin shtratin për marrëveshjen e radhës duke tentuar te legjitimojnë prezencën e PD në komisione pa cuar njerëz në KZAZ dhe duke pretenduar të mos futen në zgjedhje.

Nëse kryetari i legjionit kërkon që gjenerali hije të mbaje përgjegjësi për të gjitha zullumet e këtyre viteve dhe degradimin ekstrem të Shqipërise, atëher vet nuk mund te mbajë një dorë në revani dhe një dorë në bakllava, nuk mund të jetë dhe në zgjedhje dhe pa zgjedhje kur akoma nuk ka sqaruar elektoratin e djathtë e prerë në besë me imponimin e dorëzimit të paprecedentë të mandateve si ti kishin absolutisht personale“, shkruan Hajdari, ndërsa thekson se asnjë nga palët nuk përmend sugjerimin e OSBE/ODIHR për komisionerë apolitikë.

Asnjë nga palet nuk përmend sugjerimin e OSBE/ODIHR për komisionerë apolitike, por vazhdojnë të këmbengulin për jeniçere elektoral me qëllim deformimin e vullnetit qytetar gjatë procesit të zgjedhjeve.

Papërgjegjshmëria dhe veprimet e paligjshme me dashje tregon që nuk ekziston vullneti që të realizohet një proçes i rregullt zgjedhor.

Po nuk u bëhet vonë këtyre për zgjedhje, se nuk ofrojnë as zgjidhje e as alternativë!

U bëhet vonë për marrëveshje, për marreveshje në kurriz të Shqiptarëve, për marrëveshje në kurriz të rinisë, për marrëveshje në kurriz të biznesit, për marreveshje ne kurriz te femijeve tanë qe po u vjedhin të ardhmen.”- përfundon Rudina Hajdari postimin e saj.