Presidenti i Republikës Ilir Meta, zhvilloi një takim me një grup studentësh nga Sanxhaku, të cilët ndodhen në Shqipëri prej disa ditësh.
Meta e cilësoi kontributin e tyre si shumë të vlefshëm për forcimin e mëtejshëm të marrëdhënieve mes Shqipërisë e Sanxhakut dhe Serbisë.
“Kënaqësi e veçantë t’ju pres në Institucionin e Presidentit dhe të zhvilloj me ju këtë bashkëbisedim.
Është shumë e rëndësishme që ne të gjithë të punojmë fort për intensifikimin e marrëdhënieve mes popujve dhe vendeve tona, veçanërisht në drejtim të turizmit, të arsimit e kulturës, shkëmbimeve studentore apo edhe bashkëpunimit të shoqërisë civile.
Ju inkurajoj, që së bashku me të rinjtë e tjerë në rajon, pavarësisht kombësive, të bëheni promotorë të integrimeve europiane dhe të proceseve demokratike në vendet ku jetoni. ”, – theksoi Meta ndër të tjera.
VAZHDO TË LEXOSH MË TEPËR PËR TEMËN
