“Në nder të major Tanushit”, Kuvendi mban një minutë heshtje

Kuvendi ka mbajtur sot gjatë seancës plenare një minutë heshtje në nder të major Klodian Tanushit.

Me kërkesë të reut të grupit parlamentar të Partisë Socialiste, Taulant Balla, kryetari i Kuvendit Gramoz Ruci i ndërpreu fjalën deputetes Antoneta Dhima për të mbajtur një minutë heshtje në nder të major Klodian Tanushit, i cili humbi jetën në krye të detyrës me misionin e NATO-s në Letoni.

“Për të nderuar jetën e major Tanushit, ftoj të mbajmë një minutë heshtje. U prehtë në paqe major Tanushi”-tha Ruçi.

Major Tanushi u plagos me 6 maj në kampin ushtarak “Adazi” dhe katër ditë me vonë humbi jetën në spital si pasojë e plagëve të marra.