MENU

NBA

Play Off/ 76ers dhe Blazers ‘bëjnë ligjin’

10.05.2019 - 18:59

Në dy sfidat e radhës të fazës play off në NBA dhe në të dy rastet fituan skuadrat vendase, duke barazuar në 3-3 serinë e gjysmëfinaleve në konferencat respektive.

Philadelphia 76ers triumfuan 112-101 ndaj Toronto Raptors. Vendasit zhvilluan një lojë korale, me të gjithë basketbollistët e formacionit bazë me numër dyshifror pikësh.

Edhe pse diferenca finale ishte vetëm 11 pikë, ekipi nga Pennsylvania e dominoi nga fillimi deri në fund kundërshtarin. Jimmie Butler shënoi 25 pikë, ndërsa Ben Simmons spikati me 21 pikë, 6 asiste dhe 8 rikuperime, duke u hequr vlerën 29 pikëve dhe 12 rikuperimeve të “yllit” të Raptors, Kawhi Leonard.

Philadelphia 76ers’ Ben Simmons (25) reacts after dunking the ball between Toronto Raptors’ Danny Green (14) and Kawhi Leonard (2) during the second half of Game 6 of a second-round NBA basketball playoff series Thursday, May 9, 2019, in Philadelphia. (AP Photo/Chris Szagola)

Edhe Portland Trail Blazers nuk u dhanë mundësi Denver Nuggets të festojnë para kohe kualifikimin.

Në sfidën e 6-të të zhvilluar në “Moda Center” të Portlandit, të zotët e shtëpisë dominuan me rezultatin 119-108 nën udhëheqjen e Lillard e McCollum, respektivisht me 32 dhe 30 pikë.

Nikola Jokic bëri gjithçka për skuadrën nga Colorado, por 29 pikët dhe 12 rikuperimet e tij rezultuan të pamjaftueshme për të shmangur humbjen.

Sfida e fundit, që do të përcaktojë të kuakifikuarën e këtij çifti do të zhvillohet në “Pepsi Center” të Denverit.