MENU
klinika

Kompromis mes palëve?

Rama i përgjigjet CDU/CSU-së: 30 Qershori, jo në dorën tonë!

23.05.2019 - 19:52

Pas apelit të koalicionit politik në Gjermani CDU/CSU drejtuar sot spektrit politik në Shqipëri ku kërkojnë që palët të diskutojnë për çdo temë, madje për të shtyrë zgjedhjet lokale, ka reaguar edhe kryeministri Edi Rama në “Twitter”.

Shefi i qeverisë shpreh mirënjohjen për miqtë e Shqipërisë dhe për partnerët ndërkombëtarë, ndërsa rithekson edhe njëherë se zgjedhjet e 30 qershorit nuk mund të shtyhen.

Kryeministri Edi Rama nënvizon se caktimi i kësaj date dhe aq më pak shtyrja e saj, nuk është fare në dorën e qeverisë që ai drejton.

“U jam shumë falenderues miqve të Shqipërisë dhe partnerëve politikë të LB&PD në CDU/CSU, për vëmendjen e tyre ndaj situatës politike! Krejt dakord me gjithçka kanë shprehur publikisht dhe për nevojën e dialogut pa kushte. Koha nuk pret sepse 30 qershori s’është në dorën tonë!”-shkruan Rama.