MENU

Nisja e raketave

SHBA: Koreja e Veriut ka shkelur rezolutat e OKB

25.05.2019 - 08:55

Këshilltari i SHBA për Sigurinë Kombëtare John Bolton tha të shtunën se nisjet e kohëve të fundit të raketave të Koresë së Veriut shkelën një rezolutë të Këshillit të Sigurimit të Kombeve të Bashkuara dhe i kërkoi udhëheqësit Kim Jong-un të rinisnin bisedimet e denuklearizimit.

Ishte hera e parë që një zyrtar i lartë amerikan i përshkroi testet si një shkelje të rezolutave të OKB që synonin ndalimin e programeve bërthamore dhe raketore të Koresë së Veriut dhe erdhi përpara një vizite katërditore në Japoni nga Presidenti i SHBA Donald Trump.

“Rezoluta e Kombeve të Bashkuara ndalon nisjen e çdo rakete balistike,” tha Bolton për shtypin. “Provat e Koresë së Veriut përfshijnë raketa balistike me rreze të shkurtër dhe kështu nuk ka asnjë dyshim” se ishte një shkelje, shtoi ai.

Më parë këtë muaj, Kim Jong-Un mbikëqyri fluturimin e parë të një arme të pa provuar më parë.

Bolton tha se Shtetet e Bashkuara ishin ende të hapura për bisedime me regjimin e Kim, por se nuk kishte ndryshuar qëndrimin e tij nga samiti i fundit midis Shteteve të Bashkuara dhe Koresë së Veriut në Hanoi.

“Trump ka hapur derën për Kim, hapi tjetër është që Kim të ecë nëpër të,” tha ai.

Bolton gjithashtu i kërkoi Kim të binte dakord për një takim me kryeministrin japonez Shinzo Abe, të cilin ai tha se mund të ndihmojë të rifillojë dialogun mbi programet e armëve të Koresë së Veriut. “Një samit  Abe-Kim mund të jetë ndihmë thelbësore për këtë,” tha ai.

Trump pritet të diskutojë tema që nga Koreja e Veriut deri tek Kina dhe tregtia kur ata  të ulen për një samit të hënën.

Të dy udhëheqësit do të diskutojnë gjithashtu për tensionet në rritje me Iranin, tha Bolton. Abe po mendon për një vizitë në Iran që nga mesi i qershorit, dhe ky do të jetë udhëtimi i parë i tillë në katër dekada.

Shtetet e Bashkuara gjithashtu po vendosin trupa, armë, anije, në Lindjen e Mesme në përgjigje të asaj që administrata Trump e përshkroi si “tregues dhe paralajmërime” shqetësuese nga Irani.