MENU
klinika

Intervista

Vrasja e Ivanoviç/ Trajkoviç: Vuçiç po vonon hetimet qëllimisht!

26.05.2019 - 19:15

Ish-deputetja e Kuvendit të Kosovës, aktualisht kryetare e Lëvizjes Evropiane të serbëve në Kosovë, Rada Trajkoviç, është shprehur se presidenti i Serbisë, Aleksandar Vuçiç, po ngadalëson qëllimisht hetimet rreth vrasjes së Oliver Ivanoviç.

Trajkoviç, në një intervistë për Radio KIM, ka thënë se publiku dëshiron të dijë të vërtetën se kush e vrau Ivanoviçin dhe se ajo nuk do të heqë dorë nga kjo çështje deri sa të zbardhet e vërteta, raporton “Beta”.

“Është e qartë se ekziston një pengim dhe është e trishtueshme që pengesa ekziston në Beograd, sepse nuk i rekomandojnë Radojiçit që thjesht të dorëzohet dhe të dëshmojë pafajësinë e tij në një proces.

Do t’i sigurohej logjistika e shtetit të Serbisë, në sigurimin e avokatëve dhe të gjitha atyre që thonë se i ka siguruar ‘Zyra për Kosovë e Metohi’ për të ndjerin Oliver Ivanoviç derisa ai kishte një proces gjyqësor, e jo ta mbajnë, kurse të gjithë ne jemi fajtorë për diçka.

Në fakt, unë sinqerisht dua dhe do të jem këmbëngulëse që të përfundimisht të gjendet kush e vrau Oliverin”, u shpreh ajo.

Sipas Trajkoviç modeli i heshtjes së njerëzve jo vetëm që ka pasoja të tmerrshme, pork jo formë është përgatitje për likuidime të tjera.

Rada Trajkoviç tha se ka ngritur padi kundër presidentit Aleksandar Vuçiç dhe drejtorit të Zyrës për Kosovën, Marko Gjuriç për rrezikimin e sigurisë personale.

Ajo tha se vrasja e Ivanoviçit dhe Dimitrije Janiçijeviqit është arsyeja kryesore pse askush nga përfaqësuesit e opozitës serbe nuk është kandiduar në zgjedhjet për kryetar në katër komunat në veri të Kosovës, të cilat janë mbajtur të dielën.