18.05.2019 - 20:48
Kreu i partisë ‘Demokracia e Re’ në Greqi, Kyriakos Mitsotakis ka zhvilluar një vizitë 2-ditore në Kretë.
Gjatë kësaj vizite ai është përballur me një shqiptar, me të cilin kishte zhvilluar edhe një bisedë të shkurtër.
“Greqia është shtëpia ime e dytë. Unë jam shqiptar dhe unë votoj për Demokracinë e Re. Jetoj me familjen dhe dy fëmijët. Ligjet janë të nevojshme, në mënyrë që të mund të jetojmë siç duhet “, i tha shqiptari kreut të Demokracisë së Re.
Mitsotakis u pajtua me deklaratën e shqiptarit, duke thënë se është e nevojshme që ligjet të zbatohen.
Ndër të tjera, Mitsotakis tha se kur të vijnë në pushtet do të ulin TVSH- në për të gjitha produktet.
