Tre testamente të shkruara me dorë janë gjetur në shtëpinë Aretha Franklin, disa muaj pas vdekjes së “Mbretëreshës së muzikës Soul”.
Franklin ndërroi jetë nga kanceri i pankreasit në muajin gusht dhe anëtarët e familjes thanë në atë kohë se ajo nuk kishte lënë asnjë testament.
Por tri dokumente u gjetën këtë muaj, dy prej të cilave të vitit 2010.Testamentet u gjetën në një dollap të mbyllur me çelës.
Njëri prej testamenteve ,ai i muajit mars 2014, ishte fshehur në jastëkët e divanëve të sallonit , sipas raportimit të bërë nga avokati David Bennett.
Në testamentin, që ishte shkruar brenda një fletoreje spirale, këngëtarja i linte pasurinë familjes së saj.
Disa nga shkrimet janë shumë të vështira për t’u deshifruar dhe të katër faqet kanë fjalë të gërvishtura.
Bennett, i cili ka qenë avokati i Franklin për më shumë se 40 vjet, paraqiti në gjykatë testamentet të hënën. Ai i tha gjykatësit se nuk është i sigurt nëse janë ligjorë nën ligjin e Miçigan.
Në një deklaratë thuhet se dy nga djemtë e Franklin nuk janë dakord me testamentet. Seanca gjyqësore është përcaktuar më 12 qershor.
VAZHDO TË LEXOSH MË TEPËR PËR TEMËN
Lamtumirë Aretha Franklin!
Aretha Franklin, lamtumira në 31 gusht
Lamtumirë Aretha Franklin!
