MENU
klinika

Akuza drejt qeverisjes

Zgjedhjet në Akademinë e Shkencave/ Basha: Po gatuhet “zgjedhja” e Gjinushit

17.05.2019 - 19:20

Kryetari i Partisë Demokratike, Lulzim Basha me një reagim në “Twitter” thotë se kryeministri Edi Rama po dhunon artin dhe shkencën njësoj siç po bën me rendin demokratik.

Lideri demokrat thekson se ashtu si në zgjedhjet e tjera false, edhe në Akademinë e Shkencave kryeministri po synon të “gatuajë” emrin e Skënder Gjinushit.

Ai thekson se opozita e bashkuar nuk do të bëjë asnjë hap pas, por do të qëndrojë deri në fund përballë veprimeve aspak demokratike, që po kryhen nga kjo qeverisje.

“Ashtu si “zgjedhjet” e tjera fallco edhe në Akademinë e Shkencave po gatuhet “zgjedhja” e Gjinushit. Rama dhe banda në pushtet dhunon shkencën dhe artin njësoj si demokracinë, pronën, qytetarin, ekonominë, të drejtat politike, drejtësinë. Asnjë hap pas! #ShqipëriaSiEuropa #25Maj”-shkruan ai.