MENU
klinika

Nga The Guardian

Zgjedhjet, një moment reflektimi për Evropën

29.05.2019 - 16:58

Kur Eurozona u fut në krizë dhe më vonë, kur një milion emigrantë erdhën në Evropë nga lufta siriane dhe gjetkë, shumë parashikuan se Bashkimi Evropian nuk do të ishte në gjendje të rezistonte.

Kur këto kriza u pasuan nga votimi i Brexit dhe zgjedhja e Donald Trump, ishte e zakonshme të thuhej se ky ishte vetëm fillimi dhe se vendet e tjera evropiane gjithashtu do të dorëzoheshin në një efekt domino, dhe se kjo do të nxitonte shpërbërjen e mundshme të projektit evropian pas 1945.

Do të ishte jashtëzakonisht e palogjikshme, madje edhe tani, të pretendohet se një gjë e tillë nuk mund të ndodhë kurrë.

Në fund të fundit, gjendja politike në të gjithë Evropën është ende e paqëndrueshme. Zgjedhjet e Parlamentit Europian të majit 2019 tregojnë shumë gjëra, dhe rezultatet shtohen në një tablo komplekse. Por ata tregojnë një Europë që reziston, ndërkohë që i nënshtrohet shumë ndryshimeve.

Javën e kaluar, 51% e evropianëve morën pjesë në këto zgjedhje. Kjo padyshim nuk është një pjesëmarrje e madhe, por ishte dukshëm më e mirë se 43% herën e fundit dhe ishte shifra më e mirë e pjesëmarrjes në këtë shekull.

Vërtetë, në disa vende, Franca, Italia dhe Britania mes tyre, ka pasur shumë vota për partitë anti-BE dhe të djathta. Megjithatë, kjo nuk ishte gjë e re.

E majta është zvogëluar, përsëri.  Dy grupimet e mëdha u tkurrën. Ky është një zhvillim i mirë.

Forca të tjera do të jenë lojtarë në ‘luftën’ se kush zëvendëson Junckerin si kreun e komisionit dhe Donald Tusk si president të Këshillit Evropian.

Por ato forca të tjera nuk do të jenë nacionalistët dhe anti-evropianët. Ata kanë shumë më tepër gjasa të përfshijnë aleancën liberale pro-evropiane dhe të gjelbërit pro-evropiane.

Idealizmi i vjetër integrues është zhdukur, dhe me të drejtë. Megjithatë, këto rezultate sugjerojnë se shumica e evropianëve, madje edhe në Britani, mund të përballojnë dhe pranojnë nivele të shumëfishta të identitetit politik. Këto zgjedhje tregojnë se projekti evropian po shkon në një drejtim më të shumëfishtë dhe më pak federal.

Por ata tregojnë se Evropa është gjithashtu elastike.

VAZHDO TË LEXOSH MË TEPËR PËR TEMËN


Kadare dhe intelektualët paralajmërojnë

“Evropa do të zhduket nën dallgët e populizmit”