MENU
klinika

Deklarata

Cakaj: Mbarëvajtja e zgjedhjeve me interes kombëtar!

26.06.2019 - 16:21

Ministri në Detyrë për Evropën dhe Punët e Jashtme, Gent Cakaj u shpreh se Shqipëria nuk duhet të bëjë hapa pas për interesa partiake, por duhet angazhim për interesin kombëtar.

Duke folur për zgjedhjet e 30 qershorit në konferencën për shtyp me ministrin e Jashtëm të Hungarisë Peter Szijjarto, Cakaj u shpreh se duhet të ketë përparësi agjenda evropiane e vendit përpara çfarëdo llogaritjeje politike.

Në konferencën e përbashkët për shtyp, Cakaj falenderoi Hungarinë për mbështetjen ndaj Shqipërisë në rrugën e saj të integrimit, por tha se ndihma e miqve të Shqipërisë duhet të shoqërohet me përpjekje, vullnet dhe veprime politike të brendshme që nuk pengojnë, por ndihmojnë në hapjen e negociatave.

Ministri në Detyrë vlerësoi lartë bashkëpunimin me Hungarinë.

“Gjatë gjithë kësaj periudhe me Ministrin Szijjarto kemi zhvilluar një cikël takimesh që kanë përfunduar me nënshkrimin e disa marrëveshjeve dhe jemi në proces shqyrtimi të mundësive të reja të bashkëpunimit,” theksoi ndër të tjera Cakaj.

Nga ana e tij, ministri hungarez konfirmoi mbështetjen ndaj Shqipërisë për hapjen e negociatave.

VAZHDO TË LEXOSH MË TEPËR PËR TEMËN


Vendim i KE-së për negociatat

“Raporti me vonesë”/ Cakaj: Jo inkurajues!