Dita e Festës së Muzikës, sjell në Shqipëri kantautoren dhe modelen e njohur, Carla Bruni, e cila do të këndojë mbrëmjen e sotme në teatrin antik të Butrintit.
Bashkëshortja e ish-presidentit francez Nicolas Sarkozy, ka zgjedhur t’i paraqitet për herë të parë publikut shqiptar me 11 këngë të albumit të saj më të fundit, në teatrin e parkut kombëtar Butrint, një nga pikat arkeologjike më të rëndësishme të trashëgimisë sonë kombëtare dhe asaj botërore.
“Përshëndetje të gjithëve në Shqipëri. Doja t’ju thoja që quhem Carla Bruni dhe se do të këndoj për ju, Ditën e Festës së Muzikës, në teatrin antik të Butrintit, në orën 21:00. Shpresoj të jeni të pranishëm”,- është shprehur Bruni.
“French touch” (“Prekje franceze”), është albumi i pestë, që kantautorja e publokoi në vitin 2017. Kopjet e shitura të gjithë krijimtarisë së saj, kapin shifrën e 5 milionë albumeve.
Bruni është vlerësuar si një nga gratë më të rëndësishme në botë, nga revista “Forbes”, në vitin 2010.
VAZHDO TË LEXOSH MË TEPËR PËR TEMËN
“Elita 5”: Tirana, kryeqendra e Shqiptarisë
“Shkodra Jazz Festival”
