MENU
klinika

Çfarë kërkuan?

Dekreti i Metës “përçan” KQZ, 4 anëtarët e PS dalin kundër kryetarit

12.06.2019 - 11:57

Në Komisionin Qendror të zgjedhjeve vijon përplasja për shksk të dekretit të Metës për anulimin e zgjedhjeve.

Katër anëtarët e zgjedhur nga Partia Socialiste kanë thërritur sot zhvillimin e mbledhjes së këtij institucioni, pavarësisht se Presidenti ka çdekretuar datën e zgjedhjeve.

Dekreti i Presidentit ka hyrë në fuqi dhe është botuar në Fletoren Zyrtare një ditë më parë, por anëtarët e zgjedhur nga e majta nuk e njohin këtë vendim.

Të katërt anëtarët refuzojnë të zbatojnë dekretin e Metës.

Ata e cilësojnë dekretin si antikushtetues dhe të pavlefshëm.

Ky vendim është kundërshtuar nga kryetari i KQZ-së, Klement Zguri, i cili ka refuzuar të marrë pjesë në mbledhjen, duke ia lënë drejtimin zv.kryetarit, Denar Biba.

Po sot, numri i dy i KQZ-së, dhe tre anëtarët e tjerë kanë njoftuar zhvillimin e mbledhjes së radhës se institucionit zgjedhor, për të vijuar punën normalisht për zgjedhjet më 30 qershor.

“Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”, Zv. Kryetari z. Denar Biba, Anetaret; z. Bledar Skenderi, znj. Edlira Jorgaqi dhe znj. Rezarta Bitri kanë kërkuar thirrjen e mbledhjes,

Sot, me 12.06.2019, Ora 13:00, me rend dite:

“Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të datës 30 qershor 2019”.
“Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të datës 30 qershor 2019”.
‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të datës 30 qershor 2019”.
“Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të datës 30 qershor 2019”.
“Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të datës 30 qershor 2019””, thuhet në njoftimin e KQZ.