Albano Bogdo, aktori i mirënjohur shqiptar është kaq shumë i pëlqyer nga të gjithë. Kjo për shkak të humorit që e karakterizon atë.
Në një rrëfim të sinqertë vitin e kaluar, aktori i humorit Albano Bogdo ka rrëfyer luftën e tij me ankthin dhe depresionin, që e çuan te pija dhe më pas ndarja nga e fejuara.
Ai ka thënë se ka pasur probleme me alkoolin dhe jetën e shfrenuar, shkak për të cilat është bërë ankthi. Albano madje ka rrëfyer se si pasojë e kësaj jete që bënte, u nda dhe nga e fejuara.
Por, këtë herë vjen me lajme të tjera shumë po shumë interesante. Ai, dukshëm ka rënë në dashuri!
Aktori i humorit pranoi më në fund se është në një lidhje romantike.
Përmes një fotoje të publikuar në Instagram, Albano tregon vajzën që i ka vjedhur zemrën.
Sikur të mos mjaftonte pamja romantike e aktorit që ka mbështetur kokën te partnerja, ai ka bërë dhe një dedikim nga zemra duke e quajtur: “Dashuria e jetës sime!”.
Vajza nuk dihet ende se kush është. Kjo sepse Albano nuk e ka etikuar në foto, ndoshta edhe qëllimisht. Në foto dallohet vetëm profili i saj e cila duket e buzëqeshur në krahët e Albanos, i cili i ka vendosur dorën te flokët.
Mesa duket, aktori e ka rigjetur sërish dashurinë dhe tashmë ka hequr dorë plotësisht nga alkooli.
