Kukësi fitoi Kupën e Shqipërisë, për herë të dytë në histori pasi mposhti 2-1 në finale Tiranën.
Ndeshja nisi më mirë për verilindorët, shënuan të parët me Shkurtaj, duke përfituar nga një përgjumje e mbrojtjes bardheblu.
Pjesa e parë u mbyll me avantazhin e Kukësit, ndërkohë që bardheblutë u zgjuan disi në të dytën
Ngoo riktheu baraspeshën me një gjuajtje që përfundoi në rrjetë falë një devijimi nga ana e Cuculit.
Reagimi i Kukësit pas këtij momenti ishte i menjëhershëm.
Falë cilësisë së Valdet Ramës në krahun e djathtë dhe bashkëpunimit të Shkurtajt, Reginaldo devijoi me magji pasimin e shokut të tij sulmues, duke e lënë të palëvizur portierin Lika, 1-2.
Tirana tentoi me të gjitha mundësitë për të barazuar rezultatin, rrezikon sidomos me Ngonë me një goditje e kokë.
Megjithatë, rezultati mbeti i pandryshuar e për rrjedhojë festa në fund ishte e gjithë për Kukësin, që përmbylli me trofe një sezon të vështirë.
VAZHDO TË LEXOSH MË TEPËR PËR TEMËN
Spektakël me 12 gola/ Tirana dhe Kukësi prekin finalen
Tirana merr frymë lirisht!
