Provat e lira të vlefshme për garën e Çmimit të Madh të Katalonjës në Moto GP dhuruan surpriza.
Piloti francez Fabio Quartararo me Yamaha Petronas dha kohën më të shpejtë në pistën e Barcelonës, 1’40”079.
Në vendin e dytë u rendit Andrea Dovizioso me Ducati dhe në të tretin japonezi Takaaki Nagakami me Honda LCR.
Zhgënjen kryesuesi i botërorit, Marc Marquez me Honda, që u klasifikua në vendin e 17-të.
Për herë të parë këtë sezon më mirë u rendit Honda tjetër, ajo e Jorge Lorenzo, i 14-ti.
Gjithsesi, motori japonez u duk në vështirësi në pistën e Katalonjës edhe pse nesër janë provat zyrtare. Ajo që ra në sy është se 5 italianë u renditën në 8 vendet e para. Më mirë u paraqit Valentino Rossi me Yamaha, në vendin e shtatë, ndërsa shoku i tij i skuadrës Maverick Vinales u klasifikua në vendin e 14-të.
Provat e sotme treguan se asgjë nuk është e sigurtë në pistën spanjolle, me luhatje nga pilotët e mëdhenj, që kanë ruajtur energjitë për ditën e diel, kur zhvillohet edhe gara.
VAZHDO TË LEXOSH MË TEPËR PËR TEMËN
