Dasmat VIP nuk kanë të mbaruar këtë verë, teksa një tjetër futbollist i ka dhënë fund beqarisë ditën e djeshme.
Futbollisti i njohur Elseid Hysaj i cili luan aktualisht me skuadrën italiane Napoli në Serinë A dhe me kombëtaren shqiptare ka lidhur kurorë me partneren Fiorenza Lekstakaj, në një ceremoni të veçantë të organizuar në kalanë e Rozafës në Shkodër.
Mbi 500 të ftuar e kanë mbushur kalanë e Shkodres e cila ishte transformuar në një vend magjik me drita të shumëllojshme duke i dhënë një pamje fantastike dasmës.
Shumë personazhe të famshëm kanë qenë të ftuar në dasmën e futbollistit ku na treguan pamjet e dasmës me anë të postimeve që ata bënin në rrjetet e tyre sociale.
Elseidi ishte bërë tejet elegant në pamjet e publikuara nga Ermal Fejzullahu i cili ishte i ftuar në dasmë.
Futbollisti shihet i veshur me një kostum të zi mjaft elegant ndërsa bashkëshortja e tij e veshur me një fustan të bardhë të fryrë e cila shkëlqente në të duke e bërë të duket tamam si një princeshë e vërtetë.
Elseid dhe Fiorenza kanë disa vite që jetojnë një histori të bukur dashurie dhe janë prindër të një djali 3-vjeçar.