MENU

Zbatimi i 30-Qershorit

Kryebashkiakët opozitarë-kryeministrit: Je në paligjshmëri!

14.06.2019 - 18:14

Kryebashkiakët e PD-së i përgjigjen thirrjes së kryeministrit Edi Rama pasi ai iu kërkoi të mos bien pre e liderëve dhe t’i referohen ligjit pasi informuan KQZ-në se do të zbatojnë dekretin e Presidentit të Republikës për anulimin e datës 30 qershor.

Në një reagim, kryebashkiakët deklarojnë se kryeministri është në paligjshmëri, pasi qeveria ka botuar në fletoren zyrtare dekretin e Presidentit dhe këto akte ligjore janë të detyrueshme.

Madje kryebashkiakët e PD i sugjerojnë kryeministrit t’i japë urdhër KQZ-së të shpallë menjëherë nisjen e negociatave me BE-në!

  • Reagimi i kryebashkiakëve të PD-së:

Zoti Kryeministër! Je kokë e këmbë në paligjshmëri!
Qeveria e drejtuar prej teje ka botuar në Fletoren Zyrtare dekretin e Presidentit. Siç mund ta dish fare mirë, në Fletoren Zyrtare publikohen aktet ligjore të detyrueshme për zbatim në Republikën e Shqipërisë. Mos u lodh me urdhra pa vlerë që nxisin militantët e tu në KQZ të na kërcënojnë me ndjekje penale, sepse, për sa kohë nuk ekziston një datë zgjedhjesh, as zgjedhjet nuk ekzistojnë.
Kushdo që vepron ndryshe, është në paligjshmëri!
Zoti Kryeministër, kur Presidenti të shpallë një datë të re zgjedhjesh, atëherë gatishmëria jonë për respektimin e ligjit, do të jetë, si gjithmonë, maksimale.
Hallin e datës 30 nuk ta zgjidhim dot ne!
Je që je kot dhe sillesh nëpër Shqipëri si qyfyrexhi, jepi urdhër KQZ-së të shpallë menjëherë nisjen e negociatave me BE-në!