20.06.2019 - 22:28
Ministri i Brendshëm, Sandër Lleshaj, ka përshëndetur deklaratën e Ambasadës amerikane për situatën e tensionuar në vend.
Lleshaj thotë se “Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht”.
Dielli i Shqipërisë lind andej nga perëndon, thotë Lleshaj, duke theksuar se deklarata e SHBA është një kontribut tjetër për të mbështetur një të ardhme të palëkundur euroatlantike të Shqipërisë.
