Duket se eksperienca e Neymar në Francë ka arritur në fund. Sipas “Telefoot”, braziliani ka kërkuar të largohet nga Paris Saint-Germain.
Sulmuesi është i pakënaqur për dy arsye: trajtimi, sipas tij, i pamëshirshëm që po i bën bota e futbollit francez dhe kthimi i Leonardo-s në rolin e drejtorit sportiv.
Ish-drejtuesi i Milan-it do të marrë vendin e Antero Henrique, i cili ka qenë një nga mbështetësit më të mëdhenj të 27-vjeçarit.
Për momentin janë vetëm zëra, edhe pse duket se PSG do t’i ofrojë një rinovim të kontratës lojtarit. Sigurisht, nëse pakënaqësitë e brazilianit janë të vërteta, do të ishte e pamundur të mbahej një lojtar që nuk ka asnjë dëshirë të qëndrojë aty.
Për të interesohet Barcelona, me Leo Messi-n që kërkon me ngulm kthimin e “O’Ney” te katalanasit.
VAZHDO TË LEXOSH MË TEPËR PËR TEMËN
“Nuk i bëj ftesë Neymar, le të më shkarkojnë”
