MENU
klinika

Ç'pritet të diskutojnë?

Pendarovski dhe Zaev takime me zyrtarë të BE

12.06.2019 - 10:32

Presidenti i Maqedonisë së Veriut, Stevo Pendarovski udhëtoi drejt Brukselit ku zhvilloi disa takime me zyrtarë të lartë të BE.

Pendarovski mendohet të zhvillojë takime të ndara me përfaqësuesen e lartë të BE-së, Federika Mogherini, kryetari i Këshillit Europian, Donald Tusk si dhe zyrtarë të tjerë.

Në një intervistë për Deutsche Welle para nisjes drejt Brukselit, Pandarovski është shprehur se Maqedonia e Veriut ka përmbushur detyrimet e saj dhe se tani është radha e Brukselit.

Edhe kryeministri i Maqedonisë së Veriut, Zoran Zaev po zhvillon gjithashtu vizita zyrtare.

kolana e librave

Mësohet se Zaev do të takohet me kancelaren gjermane Angela Merkel.

Zaev theksoi se pret përgjigje pozitive nga kancelarja gjermane lidhur me marrjen e dates për fillimin e bisedimeve.

Në fund të këtij muaji në Bruksel do të zhvillohet Samiti i Këshillit Evropian ku do të vendoset edhe mbi këtë çështje dhe që është pika e dytë e rendit të ditës të punës së ministrave të jashtëm të vendeve anëtare të BE-së.

Kryeministri Zaev ka paralajmëruar se nëse nuk do të ketë lajme të mira dhe gjatë kësaj vere, ai do të shpallë zgjedhje të parakohshme.