Kryeministri Edi Rama ka reaguar edhe njëherë për aksionin e opozitës nëpër KZAZ.
Rama e cilëson gjithçka të parashikuar, duke e quajtur“revolucion imagjinar me punonjësit e bashkive blu”.
Shefi i qeverisë gjithashtu i drejton një pyetje mbështetësve të opozitës.
“Fatkeqësisht asgjë e paprashikuar! Vijon revolucioni imagjinar me punonjësit e bashkive blu. I pyes: A ia vlen të kryeni krime zgjedhore e të përballeni me ligjin për ata që e katandisën PD-LSI në këtë derexhe dhe duan ta bëjnë hallin e tyre me drejtësinë hall të Shqipërisë? Zero!”, shkruan Rama në Twitter.
Prej rreth 48 orësh në të gjitha bashkitë ku qeveris opozita ka pasur tensione e në disa raste përleshje mes policisë bashkiake e asaj të rëndit për shkak KZAZ-ve.
Bashkitë e djathta kërkojnë lirimin e ambienteve që administrohen prej tyre në zbatim të dekretit të Presidentit, nga ana tjetër policia mbron këto ambiente me urdhër nga qeveria.
VAZHDO TË LEXOSH MË TEPËR PËR TEMËN
