MENU
klinika

Revolucioni “Los Blancos”

Hazard një hap larg Realit!

04.06.2019 - 17:25

Eden Hazard është gjithnjë e më pranë kalimit te Reali i Madridit. Disa përfaqësues të klubit “merengues” udhëtuan drejt Londrës për të mbyllur tratativat me Chelsean brenda kësaj jave.

Për yllin belg, skuadra “Los Blancos” është gati të ofrojë 120 milionë euro, shifër që do ta bënte atë blerjen më të shtrenjtë të klubit spanjoll, duke lënë pas Gareth Bale dhe Cristiano Ronaldon.

konica sportkonica sport mobile

Blerja e Hazard konsiderohet si një goditje e jashtëzakonshme në merkato për Realin e Madridit, që nis kështu një revolucion të madh pas sezonit tejet zhgënjyes që përjetoi këtë vit. Për të përforcuar skuadrën, presidentit Florentino Perez është gati të investojë 300 milionë euro në merkato.

Ndërkohë, Reali i Madridit zyrtarizoi blerjen e sulmuesit Luka Joviç nga Eintrachti i Frankfurtit. “Los Blancos” nuk i kishin publikuar detajet e transferimit të Joviç, por sipas të përditshmes “Marca”, kostoja e këtij operacioni është 60 milionë euro, shifër së cilës do t’i shtohen edhe 5 milionë euro të tjera në formën e bonuseve. Për t’u theksuar është se 30% e kësaj shifre do të shkojë në arkat e Benfikës, që është pjesë e akordit të klubit portugez me atë gjerman.