Ditën e sotme në orën 20:00 opozita e bashkuar do të mblidhet sërish në protestën e 9-të kombëtare në bulevardin “Dëshmorët e Kombit”.
Kërkesa mbetet po e njëjta, largimi i kryeministrit Rama dhe krijimi i një qeverie tranzitore.
Ndërkohë kujtojmë që “beteja” mes qeverië, Presidentit dhe opozitës për zgjedhjet e 30 qershorit mbetet e ndezur.
Presidenti i Republikës, Ilir Meta ka deklaruar dhe përsëritur për të disatën herë se nuk mund të ketë zgjedhje të njëanshme pa pjesëmarrjen e opozitës, ndërsa nuk ka munguar apeli i tij drejtuar të gjitha palëve, që të punojnë intensivisht për të tejkaluar ngërçin e krijuar.
Ndërsa kryeopozitari Basha ftoi qytetarët të dalin sot në shesh së bashku me familjet e tyre për të protestuar kundër keqqeverisjes së vendit.
Kreu i demokratëve Lulzim Basha ka paralajmëruar një tubim paqësor pa dhunë, para kryeministrisë.
Ai tha se do të ketë më vete në protestë gruan dhe dy vajzat e tij.
Një ditë më parë, ambasada e Shteteve të Bashkuar të Amerikës në Tiranë bëri thirrje për protestë paqësore, ndërsa theksoi se do të dalë në mbrojtje të procesit zgjedhor.
VAZHDO TË LEXOSH MË TEPËR PËR TEMËN
“Gallata” në rrjetet sociale për vendimin e AMA-s
“Kur do flasim?”/ PD i lë takim Ramës: Shkurt, prerë e egër…
