Një lajm i befasishëm ka ardhur nga lista e kombëtares së Shqipërisë.
Sulmuesi Eros Grezda la grumbullimin për dy ndeshjet e ardhshme ndaj Islandës dhe Moldavisë. Lojtari i Rangers do të largohet për arsye personale!
Vendin e tij në Kombëtare do ta marrë Lorenc Trashi.
Njoftimi i FSHF:
“Ka ndryshime në listën e kombëtares A për dy ndeshjet zyrtare ndaj Islandës në transfertë më 8 qershor dhe Moldavisë në “Elbasan Arena” më 11 qershor ora 20:45.
Eros Grezda nuk do të jetë pjesë e skuadrës për dy ndeshjet eradhës për arsye personale.
Trajneri Reja ka thirrur në skuadër Lorenc Trashin, nga Partizani, që do të bashkohet me grupin në ndeshjen e sotme në “Elbasan Arena”, ku kuqezinjtë do të luajnë përballë U-21 të drejtuar nga Alban Bushi. Ndeshja zhvillohet sot në orën 17:00″, – shkruhet në njoftim.
Futbollisti i Partizanit do të jetë i grumbulluar që sot në kombëtaren për ndeshjen miqësore ndaj U-21.
VAZHDO TË LEXOSH MË TEPËR PËR TEMËN
Grezda: Ja ndryshimi mes Panuccit dhe Rejas
‘Shqipëria e re’ e Reja-s/ Trajneri publikon listën
