Vetëm një ditë pas mbledhjes së Këshillit Kombëtar, ku u vendos ngritja e Aleancës Qytetare për Mbrojtjen e Demokracisë dhe u morën vendime të tjera të rëndësishme, kryedemokrati Basha ka mbledhur aleatët e Partisë Demokratike.
Ky takim vjen pak orë para takimit me presidentin e Republikës, Ilir Meta.
Presidenti do të zhvillojë takime me partitë e qendrës së djathtë në kuadër të nisjes së konsultimeve për të vendosur një datë të re zgjedhjesh.
Takimet e para do të nisen sot në orën 19:00 me krerët e partive të Grupimit të Qendrës së Djathtë.
Të shtunën e 8 qershorit Kreu i Shtetit njoftoi për anulimin e zgjedhjeve vendore të 30 qershorit, duke shfuqizuar dekretin e përcaktimit të tyre.
Ndërkohë të hënën më 10 qershor, Presidenti Meta doli para mediave duke deklaruar se vendimi ishte marrë pasi rrezikohej siguria kombëtare.
Pas zyrtarizimit të dekretit, maxhoranca deklaroi se do të niste procedurat për shkarkimin e Presidentit.
VAZHDO TË LEXOSH MË TEPËR PËR TEMËN
Letra e Metës në Kuvend/ Arsyet e mosdekretimit
