Janë luajtur sot ndeshjet e fundit çerekfinale për femra në Roland Garros, duke përcaktuar edhe 4 tenistet më të mira, që avancojnë në gjysmëfinale.
Katër emra surprizë, që asnjëherë në karrierën e tyre nuk kanë fituar një grand slam. Ato janë Johanna Konta, Ashleigh Barty, Amanda Anisimova dhe Marketa Vondrousova.
Në ndeshjet çerekfinale të luajtura sot nuk kanë munguar surprizat, siç është eliminimi tenistes rumune Simona Halep, kampione në fuqi.
Fituesja e vjetshme u mund 2-0 (6-2, 6-4) nga tenistja amerikane Amanda Anisimova.
Një rezultat surprizë, pasi Halep, numri 3 në botë, ishte favoritja kryesore për të triumfuar edhe këtë vit, por sot zhgënjeu.
Sot fitoi edhe tenistja australiane Ashleigh Barty, që mposhti po 2-0 (6-3, 7-5) tenisten amerikane Madison Keys. Kjo e fundit ishte favorite në këtë sfidë, por Bary u tregua më e saktë në momentet vendimtare dhe e meritoi fitoren. Ndeshjet e luajtura sot duhej të zhvilloheshin dje, por u shtynë për shkak të shiut.
Kështu, në gjysmëfinalet që do të luhen nesër, janë këto përballje: Ashleigh Barty-Amanda Anisimova si dhe Johanna Konta- Marketa Vondrousova.
VAZHDO TË LEXOSH MË TEPËR PËR TEMËN
Djokovic e kthen në stërvitje!
Nadal ‘turpëron’ rivalin historik në finale!
