Një ngjarje e rëndë është shënuar në Vlorë, ku një burrë ka goditur për vdekje me sëpatë gruan e tij.
Gruaja është goditur disa herë në kokë dhe fytyrë derisa ka mbetur e vdekur.
Mësohet se ajo ka mbërritur e pajetë në ambientet e spitalit, ndërsa forca të shumta policie ndodhen në vendngjarje.
Ende nuk dihen shkaqet e kësaj masakre.
INFORMACIONI PARAPRAK
Në orën 12:52, në fshatin Babicë e Madhe, Vlorë, pas një konflikti në familje dyshohet se shtetasi L. S., 56 vjeç, ka goditur me mjet të fortë (levë hekuri) bashkëshorten e tij 44 vjeçare L.S.
E dëmtuara u shoqërua për ndihmë mjekësore në Spitalin e Vlorës por për shkak të dëmtimeve të marra në orën 13:30, njofton Spitali se ka ndërruar jetë.
Policia ka shoqëruar menjëherë bashkëshortin, shtetasin L.S., si autorin e dyshuar në lidhje me ngjarjen për të cilin po vijojnë veprimet e mëtejshme në lidhje me arrestimin e tij.
Grupi hetimor ndodhet në vendin e ngjarjes duke kryer veprimet hetimore në lidhje me sqarimin e rrethanave.
VAZHDO TË LEXOSH MË TEPËR PËR TEMËN
Basha ‘sulmon’ nga Shkodra: Qeveria të shkëputet nga krimi
“Il Padrino” i Vlorës, ngjarjet kriminale dhe dënimi i tij
