MENU
klinika

Vrasja e Khashoggit

Trump: Askush nuk e fajëson princin saudit

30.06.2019 - 09:51

Presidenti Donald Trump tha të premten se ishte “jashtëzakonisht i zemëruar dhe shumë i pakënaqur” për vrasjen e gazetarit Jamal Khashoggi, por pohoi se askush nuk e ‘vë gishtin’ tek Mohammed bin Salman, pavarësisht konkluzioneve të CIA-s dhe Kombeve të Bashkuara.

“Unë jam jashtëzakonisht i zemëruar dhe i pakënaqur,” tha Trump kur u pyet nga Jim Acosta i CNN për Khashoggin.

Ministri i Shtetit për Punë të Jashtme i Arabisë Saudite Adel al-Jubeir i tha CNN më parë këtë muaj se raporti i OKB-së në vrasjen e gazetarit ishte “i pamjaftueshë´m” dhe mohoi që Riad duhet të pranojë përgjegjësinë për vrasjen, të cilën ai e pranonte ishte “e tmerrshme”.

 

Rijadi ka pohuar se as bin Salman dhe as King Salman nuk dinin asgjë për operacionin që synonte Khashoggin.

Kur u pyet për vlerësimin e CIA-s nga burimet e inteligjencës amerikane se bin Salman autorizoi vrasjen e Khashoggi, sipas një zyrtari të lartë amerikan dhe një burimi të njohur me këtë çështje, Trump tha se “nuk mund të komentojë”.

Trump ka mbrojtur vazhdimisht marrëdhëniet e tij me udhëheqësit botërorë, duke përfshirë Sauditët dhe Presidentin rus Vladimir Putin.

Ndërkohë, kryeministrja britanike zhvilloi një takim dypalësh me Mohammed bin Salman të shtunën në samitin e saj të fundit global, përpara se të largohet në korrik.

Theresa May ka ngritur shqetësime në lidhje me vrasjen e Jamal Khashoggi dhe koston humanitare të konfliktit në Jemen gjatë një takimi ballë për ballë me princin saudit në samitin e G20 në Osaka.

Një zyrtar i lartë i qeverisë tha se May mund të bënte thirrje për një proces ligjor të hapur dhe transparent për rastin e gazetarit saudit i cili u vra në Stamboll, dhe theksoi rëndësinë e marrëdhënies midis Mbretërisë së Bashkuar dhe Arabisë Saudite.

 

VAZHDO TË LEXOSH MË TEPËR PËR TEMËN


"Të gjitha pyetjet do të marrin përgjigje"

Erdogan: Vrasja e gazetarit saudit ishte e planifikuar

Kërkon të dijë ku ndodhet trupi i gazetarit

Erdogan po shton presionin ndaj Arabisë Saudite